Кремло Шеманна тIе бомбанаш, ракеташ етта йолоро терроран новкъа бохур бу пачхьалкхехь беха бусулбанаш, аьлла хета Оьрсийчоьнан 65 процент бахархошна.
Иштта ду юкъаралланна хетарг толлучу Ерриг-Оьрсийчоьнан центро бинчу талламан жамI. 16 процент нах бен бац террор шайх, я шайн гергарчарех хьакхалур яц аьлла хеташ.
Амма 77 процент бахархой тешна бу шайн дахар террорах Iалашдийриг Iедал ду бохучух. Талламан центро и зераш дIадаьхьна кIира хьалха, хеттарш дина Оьрсийчоьнан 46 регионехь 1600 стаге.