2004-чу шарахь Москох Форбеса журналан коьрта редактор Хлебников Пол верна бехкевен нохчо Дукузов Казбек, шена кхин цIе тIе а эцна, Нохчийчохь веха, яздо «Росбалт» агенталло. Иза шатайпа сенсаци лору тергамчаша.
Iаьмеркахо-журналист вийча, хIеттехь, лаха кхайкхийра Дукузов а, шолгIа нохчо-бизнесхо Нухаев Хож-Ахьмад а. ТIахьо зулам дарна Iаьрбан Эмираташкахь набахти а текхана, кхушара мукъаваьлла лору Оьрсийчоьнан низамхоша Дукузов.
