Карабахехь иккхинчу тIематасадаларехь вийна эрмалойх волу ши сепаратист. Массех де хьалха тIом сацон бина барт лелачу юкъанна нисъелла пIераскан буса и инцидент.
Барт дуьхь-дуьхьал лаьттачу шина а агIоно бохийна боху тергамчаша. Шайн тIеман а, машаре а объекташна тIе герзаш тоьхна Азербайджано, боху Ереванехь. Ткъа Бакохара даьржина, азербайджанхоша шайна тIелатар дича дуьхаьло йира, аьлла.
