Оьрсийчоьнан арарчу гIуллакхийн министр Лавров Сергей Эрмалойн махка кхаьчча охан-беттан 21 дийнахь. ТIаьхьарчу хенахь, тIеман хьал карзахдаьлла Карабахехь. Лавров цхьаьнакхета лерина ву Эрмалойчоьнан президентца Саркисьян Сержица а, арарчу гIуллакхийн министрца Налбандьян Эдуардица а. Диъ дийнахь Карабехь хилла луьра тIеман тийсадаларш сацийра охан-беттан 5чу дийнахь тIомсацоран хьокъехь бинчу бартано, ткъа хIинца а наг-нагахь йоцачу ханна тIеман тийсадаларш лелха цигахь. Иштта, Карабахерчу сепаратистийн Iедало тахана дIахьедира азербайджанан эскаро герз тоьхна Карабахан эскархо вийна, аьлла.
Лавров Эрмалойн махка кхаьчча
