ТIекхочийла долу линкаш

ЦIеххьана кхаьчна хаам!

Порошенкон гIоьнча хилла Расмуссен


Украина -- НАТО-н инарлин секретар Расмуссен Фог Андерс, Киев, Товб. 7, 2014.
Украина -- НАТО-н инарлин секретар Расмуссен Фог Андерс, Киев, Товб. 7, 2014.

НАТО-н инарлин секретар хилла Расмуссен Фог Андерс шен штатехь воцу гIоьнча хIоттийна Украинин президенто Порошенко Петрос. Шен Фейсбукехь йолчу агIонна тIехь Расмуссена дIахьедар дина, цу даржехь шега далург дерриг а дийр ду ша Украинин кхерамазалла чIагIъян а, реформаш ян а, цуьнан Евробертаца йолу уьйраш чIагIъян а аьлла.

НАТО-н хиллачу куьйгалхочо сагатдойтуш ду боху Украинин кхерамазаллица доьзна хьал. Украино коррупцица къийсам боло а беза, реформаш дIайоло а еза аьлла хета цунна.

Расмуссен Порошенкон хьехамча хIоттор Оьрсийчоьнна йина мостагIаллин ишар ю аьлла дIахьедар дина оьрсийн Пачхьалкхан Думан дуьненаюкъарчу гIуллакхашкахула йолчу комитетан декъашхочо Калашников Леонида.

Расмуссен Фог Андерс НАТО-н инарлин секретаран даржехь вара 2009-чу шарахь дуьйна 2014-гIа шаре кхаччалц.

Оха хьоьхург

XS
SM
MD
LG