Донецкана генайоцчу Троицкое юьртахь Украинан эскархоша йийсаре лаьцна Оьрсийчоьнан ши вахархо-тIемало. Иза дIахьедина оршоьтадийнахь президентан Порошенкон администрацин векало Лысенко Андрейс.
Цо бахарехь, буса Украинан эскарш лаьттачу меттигашкахула чекхвала гIоьртина и шиъ. Хиллачу тIематасадаларехь лазийна лаьцна, кхоалгIаниг вийна. Лецначийн цIерш йовзуьйтуш яц Киево, ткъа вийнарг ву Цакиров Натан, цуьнгахь карийначу Оьрсийчоьнан вахархочун паспорто бахарехь.
