ТIекхочийла долу линкаш

Республиканхойн партин цIарах Iамеркарчу президентан харжамийн кандидат Трамп Доналд шекву, дахначу кIиранах хиллачу къийсаршкахь демократийн кандидата Клинтон Хилларис, шен къамел кхиаме хилийтархьама допингах пайдаэцна хиларх.

Кху беттан 2-чу дийнахь рогIера къийсарш дуьйлалучу юкъанна допинг-тестах чекхъялар хьоьху цо Клинтонна. Трампа дийцарехь, къийсарш дуьйлалучу хенахь Клинтон тIехсов хьуьнаре яра, ткъа уьш доьрзучу заманчохь мел а де эшна гора. Республиканхоша хьалхатеттинчу кандидата къийсарш дуьйлалуш дихкинчу молханех кандидаташа пайдаэцна я ца эцна хьажар тIедоьжначу кепехь хила деза, ловзаршкахь спортхошна санна аьлла хета. Клинтонан агIончашна хетарехь, Трамп харжамашна новкъарлоян гIерта. Хаамийн гIирсашкахь дийцаредора, Нью-Йоркехь теракташкахь байина нах дагалоьцучу барамехь, Клинтонна вуон хилар а, белхан гIуллакхана Калифорни яхар а юкъахдаккхар Клинтона, могашаллица доьзна.

XS
SM
MD
LG