Аргунера вахархочунна Музаев Iелина цхьа шо ах шо хан кхайкхийна цу гIалачу суьдо. Иза бехке вина шен 14 шо долчу йоIанна кхерамаш тийсарна.
Талламхоша дийцарехь, маларх кхетта а волуш, Музаевс дов дина хилла шен йоIанна, ша иза юьйр ю а олуш. «Кавказский узел» интернет-портало дийцарехь, и кхерамаш туьйсуш цуьнан карахь хилла урс.
Оццу хьостано бинчу хаамца, Музаевс йохийначу бехктакхаман артиклца а догIуш, и зулам дарна уггаре а дукха тухуш дерг ду ши шо.
