Iамеркин хаьржинчу президенто Трамп Доналда къоман кхерамазаллехула волу шен гIоьнча хIоттийна инарла Флинн Майк. Цунах лаьцна хаам бина хаамийн агенталлаш, Трампан уллерачу наха тIе а тевжуш.
Инарла Флинн вара армин талламан сервисан куьйгалхо ОвхIанистанехь. Цул тIаьхьа 2014-чу шарахь иза куьйгалхо хилира ТIеман министраллан Талламан коьртачу урхаллан. Амма цу даржера иза дIавелира, Iамерко ГIажарийчоьнца зарратан программа хьокъехь барт бича.