ТIекхочийла долу линкаш

Кадыровца шен дов дацара боху Емельяненкос


Оьрсийчоь -- Емельяненко Федор, Оьрсийчоьнан Ийначу ТIеман Исбаьхьаллан кхеташонан ММА (Mixed Martial Arts) президент, Чилл. 8, 2015

Оьрсийчоьнан Ийначу ТIеман Исбаьхьаллан кхеташонан ММА (Mixed Martial Arts) президенто Емельяненко Федора дIахьедар дина, шен цхьа а дов дацара Нохчийчоьнан куьйгалхочуьнца Кадыров Рамзанца аьлла.

Цо дийцарехь, цо билгалдаьккхинера низам дохийна хилар. «Цхьа а конфликт яцара. Ас билгалдаьккхира низам дохийна хилар. Кхин хIумма а дацара», - аьлла Емельяненкос.

ГIадужу-бутт болалуш Соьлж-ГIалахь дIадаьхьначу Grand Prix Akhmat-2016 летаршкахь дакъалецира Кадыровн кхаа кIанта. Низамаш дохош бераш летийтарна критика йинера Емельяненкос.

Цул тIаьхьа Кадыров Рамзана бехкевира Емельяненко Федор нахалахь леларан оьздангаллин къепе йохорна, турнирехь даьккхинчу суртах пайда а эцна.

XS
SM
MD
LG