ТIекхочийла долу линкаш

ЦIеххьана кхаьчна хаам!

Ахмадов Муса. Ненан йовлакх


please wait

No media source currently available

0:00 0:01:18 0:00
Линкана тIе

Мохк хьовзийча тIамо гатте,

Долош къиза охана,

Шен кхерч ларбан нана гIаьтти

ТIедоьлхучу догIанах.

Шен корталин тIемаш даржий,

Мохк дIахьулбеш шелчу Iай.

Цоьстуш тIеман бода Iаьржа,

Хьийзи, хилла аьрзу кIайн.

Массо тохар цунна дуора,

Цуьнан дагна – массо даш.

ХIетте бен цо Iалашбуора,

Мел чIагIдаларх буьрса дарц.

Стигал этIош шен маьхьарца,

Аьрзу хьийзи хIаваэхь.

Дуьнене а дохуш орца,

Самадохуш адмийн эхь.

Кеманашна дуьхьал гIуьттуш,

Аьрзуно шен битти тIам.

Цу доьналлин тешаш хIуьттуш,

Инзарбийли хийла лам.

Байнарш лоьхуш шахьарш телли,

Къорчу дегнех етташ зIок.

Лаьтте берзош мехкан кIентий,

Дилхи, лилхи ненан дог.

Нохчийн нанас шен кIайн йовлакх

Даьккхи, барте кхойкхуш нах.

ХIай къонахий, гIовтта, бовзий

Цу йовлакхан боккха мах!

Хьомсара “Маршо Радион”доттагIий, шун аьтто бу тхан Facebook-ерчу аккаунтах пайда а оьцуш, тхан дискуссехь дакъалаца. Шун комменташна модераци ян эшарна, уьш сайтехь жимма тIаьхьо гучуевр ю. Нагахь санна тхоьга яийта шайн видео а, аудио а материалаш елахь, шун аьтто бу иза кху телефонца WhatsApp-e я Viber-e схьатаса: 420 724 019832

Ахмадов Муса 1956 шарахь ГIиргIазойчохь вина, депортацера къам юхадеъча ваьхна, кхиина Шуьйтан кIоштарчу Лаха-Варандахь. 1979 шарахь чекхъяьккхина Нохч-ГIалгIайчоьнан университет. Белхаш бина Нохчийчуьрчу литературан журналийн редакцешкахь. «Вайнах» журналан коьрта редактов ву карарчу хенахь. Ахмадовн романаш, пьесаш арайийлина Нохчийчохь а, цул арахь а. Оьрсийн, балкхаройн, францойн, японан, немцойн меттанашка гочбина Ахмадовн Мусан белхаш.

Оха хьоьхург

XS
SM
MD
LG