Гергарчу шина шарахь Нохчийчоьнан а, ГIалгIайчоьнан а латтанаш кхоччуш дIацIандийр ду лелхазчу минанех а, бомбанехъ а, кхин долчу герзах а. Цунах лаьцна хаам бина РИА Новости агенталло.
Оьрсийчоьнан Инженерийн эскаран буьйранчан когаметто Аллахвердиев Руслана дийцарехь, и белхаш дIадерзор ду 2019-гIа шо долалуш.
Нохчийчоь а, ГIалгIайчоь а минанех цIанъяран белхаш долийнера 2012-чу шарахь, Оьрсийчоьнан президентан омраца. Хьалхо Оьрсийчоьнан тIеман министралло дIахьедар динера и болх чекхбоккхур бу шаьш 2018-шо тIекхачале аьлла.
