Британин жигара даккха Iалашо ю Туркойчоьнца йохка-эцар лелор аьлла, дIахьедар дина Британин премьер-министро Мэй Терезас туркойн президентаца Эрдоган Реджепаца цхьаьнакхеттачул тIаьхьа.
Премьеран даржехь а йолуш, Туркойчохь шен хьалхара визит дIахьош йолчу Мэйс хьахийра Эрдогане адамийн бакъонаш ларъярца доьзна хаттар а.
-2016-чу шарахь Товбеца-беттан 15-чу дийнахь Британино гIортор йира хьуна, ахь демократи ларъеш. ХIинца мехала ду Туркойчоьно демократехьа болчу некъана гIортор яр", - элира Британин премьер-министро.
Шаьшшина цхьаьнакхетарехь Мэйс а, Эрдогана а дийцаре дира Шемара хьал а, Кипр юхацхьанатохарца йоьзна проблема а, ткъа иштта некъахойн кеманийн кхерамазалла хилар а.
