Оьрсийчуьрчу ММА-н латархочо Емельяненко Александра дIахаийтина, Нохчийчуьрчу Кадыров Рамзанан доларчу «Ахмат» латархойн клубаца цхьаьна белхаш бан контрактна куьйгяздан а, WFCA Лигехь дакъалаца а шен лаам хиларх. Юкъараллехь цеце тIеэцна и дIахьедар.
ХIунда аьлча, хьалхо Емельяненко Александран воккхахволчу вешица Емельяненко Федорца, ММА-н латаршкахь бераша дакъалацарца доьзна иккхина конфликт хIинца а ерзаза хиларна.
Нохчийчоьнан куьйгалхочо Кадыров Рамзана а, цуьнан гоно а кхерамаш тийсира ММА (Mixed Martial Arts) президентна Емельяненко Федорна хIетахь.
