Оьрсийчоьнан арахьарчу гIуллакхийн министро Лавров Сергейс бехке йина Вашингтон шайн Iамеркерчу векалан Кисляк Сергейн къамелашка къайлаха ладогIарна. Лавровс дийцарехь, Цхьаьнатоьхначу Штатийн къайлахчу сервисийн белхахоша «шайн цIераш а ца йохуш, официалан кепехь дийцина журналисташка", Кисляка телефонехула деш долу къамелашка а, цо Москох оьхуьйтучу дIахаийтаршка а шаьш ладугIуш хилла хиларх лаьцна.
Иза цара дина Iамеркан къоман кхерамазаллехула волу хьехамча Флинн Майкл Оьрсийчоьнца уьйраш йолуш хилла аьлла иккхина дов а долуш.
Флинна дитира шен дарж, президентан хьехамча хIоттале хьалха цо Iамеркан векалца Кислякца Iамерко Оьрсийчоьнна духьал кхайкхийна санкцеш йийцаре йина хиларна а, вице-президенте Пенс Майклга цу хьокъехь цо харц хаам бина хиларна а.