Оьрсийчоьнан экономика кхиоран министраллана Нохчийчуьрчу шен «Грознефтегаз» декъан активийн барам бовзийтина «Роснефто». Иза дагахь ю, хаамийн гIирсаша бахарехь, махкара шен 51 процент активаш а, кхиболу бахам а дIабохка. 12,5 миллиард соьмана ларало и бахам.
Хьостанаша дийцарехь, Нохчийчоьнан Iедал реза хилахь, цунна бухкур бу «Роснефто» шен бахам. Ткъа Оьрсийчоьнан экономика кхиоран министралло ца довзийтина йохк-эцарца долу хьал.
Махкара маьIданаш Нохчийчоьнан урхалле дIадалар дийцаре ден дуккха а хан ю. Цкъачунна хууш дац, хIун мехах, муха, муьлхачу хьесапашкахь нислур ду нохчийн мехкдаьтта, газ мехкан доладерзор.