Массех бутт хьалха Оьрсийчуьрчу самукъадоккхучу КВН боламан юмористо Гулустян Михаила, Нохчийчоьнан куьйгалхочун Кадыров Рамзанан амал, лелар гойтучу вастехь видео яржийра интернетехула. Шех лаьцна бина бегаш юьхьаръийцира Кадыровс а шен инстаграмехь.
«Ца кхеттарг кхетар ву» цIе тиллина социалан зIенашкахула яьржинчу оцу бегашан проектна. Оцу могIарахь рогIера видео яьккхина Галустяна. Оцу чохь дакъалоцуш ву Кадыров Рамзан а, Путинан васт ловзорхо-юморист а.
Ша, Кадыров Рамзана, инстаграме йиллинчу видеогайтаме хьаьвсина кху ханна 300 эзар гергга стаг.
