Регионера лаьмнийн кIошташ кхиорехь боккха тидам тIебохуьйтуш хиларх яздина Нохчийчоьнан куьйгалхочо Кадыров Рамзана Инстаграмерчу шен агIон тIехь. Цо бахарехь, уггар а исбаьхьчу юьртан Бенойн йистехь керла берийн могашаллатояран комплекс ю схьаелла кечъеш. Цунна гонах футболах, баскетболах, волейболах ловза майданаш хир ю. 200 бер дIатарда аьтто лур бу оцу комплексо.
Иштта Кадыровс тIедожийна автомобилан некъийн министрна Тумхаджиев Абубакарна, Гендарганара берийн садоIийлийна тIе боьду керла некъбар.
