Соьлж-ГIалин юккъехь машенаш дIасалелар сацийна Нохчийчуьрча ницкъаллин структурийн белхахоша. И бахьана долуш, севцна лаьтташ яра цигахь бIеннаш машенаш, хаам бо «Кавказский узел» сайто.
Соьлж-ГIалин мэрино дIахьедар дина, 20 эзар стага дакъалоцу митинг дIаяхьа дагахь ду шаьш аьлла. Республикан чоьхьарчу гIуллакхийн министралло хаам бина, шайн белхахой чIагIйинчу рожехь болх бан буьйлабелла аьлла.
Митинг дIахьош ю Нохчийчоьнан коьртачу гIалахь къинхьегамхой дакъа кхочуш хиларан дуьненаюкъара де "Хьалхара май" даздеш.
