Къилбаседа ХIирийчоьнан чоьхьарчу гIуллакхийн министро Скоков Михаила машенлелорхочун бакъо-тоьшалла делла 93 шо кхаьчначу т1еман ветеранна Цалиев Сафарбина, хаамбо полицин пресс-гIоьнчалло.
Х1инццалц (60 шарахь) бакъонан кехат а доцуш, амма цкъа а некъан бакъо а талхоза, машен лелийна Цалиевс. Бакъду, шен юьртан доза а ца хадийна цо машенахь оцу доллучу а шерашкахь.
Толаман Дийнахь автокъовсамехь дакъалаца магорал совнах, тIеман гайтамна коьрте а хIоттийра иза шен машенца мехкан Iедало.
«Массо а машенлелорхошна а дика масал долчу хьуна ас дозаллийца ло машенлелорхочун кехаташ», элира Цалиевна бакъо луш министро.
