ПIераскан дийнахь Ибрагимов Ризванан кхелан рогIера дийцарш дIадаьхьира.
Бехкевечун агIоно сатийсира, яздархочуьнан жайнешна экспертиза йина болу говзанчаш а, и гIуллакх дIадаьхьна волу талламхо а вогIур ву кхеле аьлла. Цуьнах маситтаза дехар динера Ибрагимовс а, цуьнан адвокато а.
Кхелхочо Налаева Хедижата, дагаяларан чоьнехь 15 минот хан а яьккхина, бовзийтира ша биначу сацаман чулацам. Цо бахарехь, тешаш кхайкха эшаран тоъал дац далийна бахьанаш.
И гIуллакх къовсаме даьккхинчу адвоката и сацам хийцитира. ТIейогIучу кхелан кхеташонехь талламхо леван тIекхойкхуш барт а хилла, йирзира кхелан кхеташо.
ТIедогIучу кIиран шинарийн дийнахь кхи дIа хьур ду дийцарш.
