Юьхьанца "Комсомольская Правда" газето некъан полицин хьостанашкара баржийначу хаамехь дара, Ставропол-махкахь яхначу буса 3 сахьт даьлча некъахьовзамехь 33 шераш долу да-нана делла, церан ши бер лазийна, аьлла.
И хаам билгалбаьлла кIиранан сарахь.
"Шевроле Каптива" машенахь Францера богIуш, шайн йоцчу некъан асанна тIе а бевлла, езачу "МАН" машенна духьалнисбелла доьзал. Оцу бохамехь да-нана кхелхина ца Iа, делла 9 а, 10 а шеран долу ши бер.
Дарбан цIийне диллина кхин а ши бер - 12 шарера яьлла йоI а, 4 шо кхаьчна кIант а.
Маршо Радион хьостанаша билгалдаккхарца, белларш бу Францера марха даста даймахка богIуш хилла Нохчийчуьрчу Гуьмсан кIоштан Кхошкелдара ЭскиевгIар.
