2017-чу шеран алта чудерзо буьйлабелла Нохчийчуьра юьртбахамхой. КIа а, мукх а, хIоъ а хьокхур бу цара 150 эзар гергга гектара тIера. Цунах лаьцна хаам бина Нохчийчоьнан куьйгалхочуьнан зорбанан сервисо.
И белхаш доьлхуш ду тахана республикан ерриг а кIошташкахь. Товбеца-беттан 3-гIа чекхдолуш ялташ чудерзийна 6 эзар гектара тIера.
Говзанчаш дийцарехь, цхьана гектара тIера долу Нохчийчохь юккъерчу барамехь 23,4 центнер ялта.
