Нурадилов Хампашин цIарахчу Нохчийчоьнан драмтеатре гулбеллачу Оьрсийчуьрчу а, махкарчу а хьаькамашна Нохчийчоьнан Лакхарчу кхелан керла куьйгалхо вовзийтина Кадыров Рамзана – Гардалоев Iалавди.
Ша дукхазза а кхайкхийра хьалха хиллачу мехкан коьртачу кхелахочунна резавацар, доккха баркалла олу президентна Путинна «оццул лараме стаг» Лакхарчу кхелан куьйгалхочунна дарже ваийтарна, «бакъдерг тIедели эххара а», элира мехкан куьйгалхочо.
2008-чу шарахь Шелан кIоштан кхелехь болхбан волавалларх ву кхелан системехь Гардалоев Iалавди.
Цул хьалха хиллачу Лакхарчу кхелан куьйгалхочунна Мурдалов ТIахIирна еттарх а, парламентан спикеро Даудовс («Лорда») иза даржера эккхош лелийначух а лаьцна дукккхаза а дийцина Маршо Радионо яхначу гурахь а, Iай а.
