Нохчийчуьрчу хьехархоша латкъамаш бинера «Ахмат» спортан клубан симбол тIехь йолу меттигерчу типографино кечйина дешархойн дневникаш эцар тIедожийна шайна аьлла, хаам бинера «Кавказский узел» сайто.
Соьлж-ГIаларчу цхьана школан директоро дийцина цу зорбанан гIирсан корреспонденте, гергарчу шина дийнахь маса дешархо ву аьлла хаам бан дезаш ю ша дешаран министралле, оццул дневникаш эца а дезар ду шен аьлла.
«Ахмат» клубан симбол тIехь йолчу дневникан мах бу 90 сом.
И хаам хаарц бина Нохчийчоьнан дешаран министралло. «Иза бакъ дац. Оха цхьа а декхарела ца вина», - аьлла министраллан зорбанан сервисан векло, "ДОждь" телеканале.
WhatsApp лелочу наха вовшашка дIасаоьхуьйтуш ю, цхьана Iедалан белхохочо, хьехархошна кхерамаш а туьйсуш, цу хаттарехула министраллехь хиллачу кхеташонах лаьцна дуьйцуш йолу аудио.
«Амма иза дац шуна, школехь 300 бер доьшуш а долуш, аш 10 дневник оьцур ю бохург», дуьйцу зудчо.