НАТО-н Гуьржийчуьрчу Iаморашкахь дакъалоцуш ву 2 800 эскархо. Царах 1600 Iамеркан салти а, эпсарш а бу. Маневрашкахь дакъалоцуш ю 75 гIагI диллина тIеман техника.
Цу Iаморашкахь кху шарахь дуьххьар дакъалоцур ду Германин тIеман ницкъаша. Немцоша Гуьржийчу еана шайн кху дуьнентIехь уггаре а дика ю аьлла гIараяьлла БТР.
Ерриг а Гуьржийчуьрчу тIеман Iаморашна юкъаозийна ю НАТО-н 5 пачхьалкх а, церан партнераш йолу кхин а кхо пачхьалкх а, шайна юкъахь Украина а йолуш.
Iамораш дIахьура ду цхьана хенахь Оьрсийчоьнан тIеман база хиллачу Вазианехь. Уьш дIадоьрзур ду тIебогIучу Марсхьокху-беттан 12-чу дийнахь.
Гуьржийчуьра тIеман Iамораш дакъа ду карарчу хенахь 50 000 эскархо юкъахь а волуш Малхбалерчу Европехь а, Iаьржачу хIорда чохь а дуьйлалучу шуьйрачу Iаморийн.