Москох СОБР-ан гIоьнца полисхоша лаьцна оьккхуьйтурш шайлахь латтийна шеконца ши кIант, аьлла хаамбина «Москва» агенталле чоьхьарчу гIуллакхийн хьукматан векалша.
Болчу хаамашца, Рейсан урамерчу гаражан бокса чохь ВОГ-17 геригашца лелха гранаташ а, электродетонаторш а, тротил, иштта гексоген тIехь йина оьккхуьйтург а хилла, дIайиллина латтош.
"Гаражан долахоша шаьш Москохан вахархочуьнга мехах аренде еллера и хIусамаш, ткъа цо, дIоггара кхи вевзаш воцчу Нохчийчуьрчу шина вахархочунна меттиг белла хилла цу чохь, шайн бедарш охьаяхка», - аьлла дийцина полисхочо "Москва" агенталле.
Талламчаш кхи дIа гIуллах луьстуш бу, мича Iалашонца вовшахтоьхна, лардеш хилла кегийчу наха тIеман герз.
