Ах миллион сов стага дакъалецира Испанерчу Барселонехь кху беттан 17-18 деношкахь теракташ хиллачул тIаьхьа вовшахтоьхначу акцехь. Цу зуламехь вийна 15 стаг, 120 стаг чевнаш хилла ву. Лазийначерах 6 стаг вочу хьолехь ву.
Барселонехь хиллачу акцехь исторехь дуьххьара дакъалоцуш вара Испанин паччахь Фелипе VI.
И акци чекхъяьллачул тIаьхьа хиллачу гуламехь къамел дира Католонерчу евзаш йолчу актрисо Сарда Марияс а, меттигерчу бусулба жигархочо Атиби Мириама а.
Барселонехь хилла теракташ шена тIелаьцна «Исламан пачхьалкх» шех олучу тобано.