Тахана 113 шо дузур дара Соьлжа-ГIалахь винчу нохчийн литературан бухбиллархочун, яздархочун, поэтан, драматурган Бадуев СаьIидан. Шуьйрачу гонашкахь евзаш ю Бадуевн кхолларалла, школехь Iамош ю цуьнан тоьллачех произведенеш: «Бешто», «Олдам», «ПетIамат» ишта кхи дIа а.
Урхаллехь Советан Iедал долчу заманахь жимма а гоьбевллачу яздархойх наггахь верг бен ца висина хан тоьхна я Сибрех ца хьажош, я лаьцна дIа ца вуьгуш, я доьза ца войуш.
Иштта буса чу а лилхина, лаьцна дIавиггарх, доьза вайна ву Бадуев СаьIид а.
