ТIекхочийла долу линкаш

ЦIеххьана кхаьчна хаам!

"Кхечу дуьненара кху жоьжагIате стенна даладо бераш"?


Daisy Duck character in Disneyland Paris
please wait

No media source currently available

0:00 0:04:29 0:00
Линкана тIе

Бегашена а доцуш, ира хаттар лаьтта Европехь бехачу нохчашна хьалха. Вайнехан гIиллакх-Iадаташдовзийта, доьзал ненан маттах хер ца балийта, уьш нохчаллех ца тилийта хIун дан догIу?

Муха дижо деза те берийн кхетаме цигара зовкхах, токхонах, эвхьазаллех дуьзна дахар а, вайнехан синмехаллаш, ламасташ, уьйр-марзонаш кхето хаар а…?

Цу а кхечу а хеттаршна жоьпаш каро гIерташ, цхьаболчу дайша, наноша цхьанна ханна олий, цIа балабо шайн доьзалхой, харц тIеIаткъамах хербархьама, вайнехан уьшар-амалехь кхиаре сатуьйсуш.

Дукха дацахь а, масалш ду бераш бахьанехь, Европера синтеме, зовкхе дахар а дитина, цхьаболу бахархой цIехьа бирзина.

Иштачех цхьаъ ву, хIусамненах а къаьстина, кхо кIант а валош, махка вирзина Шелковск кIоштера Магамадов Лоьма.

Бераш кхеттал хила доьлча цIехьа а дерзийна, цIахь кхетош-кхио деза аьлла хьажам болчех ву 14 шо Белгехь даьккхина Лоьма.

Лоьма: "Сан хьекъалехь бераш ондадовла доьлча цIа а далийна царна кху цIахь бух буй хаийта деза, уьйраш кхоллаялийтар, шайн къомах, ненан маттах болийтар вуно мехала ду суна гергахь. Цигахь хьалакхиъча а вайнехан бераш осала а ца хуьлу, ийманехь а хуьлу, ламаз-мархица а хуьлу амма нохчалла бохучу кхетамна бовлуш гена бовлуш уьш.

Цундела церан дог-ойланехь шайн къоман амал-битамаш чIагIбаллалц уьш Даймахкахь хила беза, ишколера бовллац ирх-пурх а. ХIаъ маттах херло-кх. Цунах хервелча кхидерг ша-шаха доьза дан ма дов".

Европера бераш цIадерзор хьокъехь хIинцца къамел динчу Лоьмин санна хьажам боцурш дукха бу. Царех ю ши кIант, цхьа йоI а кхобуш йисина Iаш йолу ХIирийн мехкан Мазалк кIоштера Дадаева Хеда. Ден а, ненан а бала кхачахь, уггар хьалха шайлахь, чохь цара нохчийн мотт буьйцуш белахь, берашна а ца хуийла дац мотт боху Хедас.

Цунах бахьана а дина, нохчаллех ца тилийта аьлла берийн психикана тIеIаткъам а беш европера уьш цIа дало хьашто яц боху Хедас.

Хеда: "Бер жималлехь дуьйна дас-нанас нохчийн маттахь Iамадахь, уьш Европера цIа бало-м беза аьлла суна-м ца хета. Хууш оьрсийн мотт а боцуш цара кхузахь муха доьшур ду. Кхечу дуьненера кху жоьжагIате схьа стенна даладо бераш? Со цунах кхетац".

Дас-нанас шаьш шайн берашна ненан мотт Iамо беза, тIаккха дезар дац уьш дехьа даха а, я сехьа а даха а аьлла хеташ ву Ножай юьртан кIоштера тергамхо, историн говзанча Iаднан.

Iаднан: "Оцу дений, нанний тIехь ду берашна мотт Iамабайтар, эшахь човхийна а. Бер кхуьуш дуьйна шурийций Iамо беза берана мотт, цара шаьш бийца а, лело а беза ненан мотт.

Цара шаьш ларбичхьана беро муха ларбийр бац мотт? Цара сагатдан а ца оьшуш бухарчара буьйцуш болу мотт царна ишта а, вуьшта а Iемар ма бу. Стеган шен идентичность олуш тайпаналла дIайолу мотт бицбича. И дIаяьлча цунах цхьа юьхь йоцуш санна адам ма хуьлу.

Тхан цхьа гIиллакхаш ду, церан кхин гIиллакхаш ду. Церан а ду диканаш, тхан а ду. Ишта кхоьллина ма адамаш Дала. Цундела халкъан мотт ларбар а ма ду хIоранна а тIехь".

Мел хала хеташ делахь а Европехь бехачу вайнахалахь вуно дукха бу шайн берашна ненан мотт цахаар, цуьнца доьзна нохчийн гIиллакхаш, Iадаташ цадовзар кхин дIоггара эшаме хIума цахетарш.

Бакъду, махках бевлла дуьне ма-дду дIасабаьржинчу вайнахалахь кIезиг бац, мацца а цкъа шайн орамашка юхахьовсар, уьш зер деза а, мехала а хетарш нохчашлахь дебар бу аьлла ойла кхобурш а.

Шуна хетарг

Гайта комментареш

Аьтто хилча деша гIур дарий шу?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

XS
SM
MD
LG