Шоьтадийнахь 8 эзар гергга стагна эвакуаци йина Москохарчу адамаш гуллучу меттигашкара, оьккхуьйтурш ю ехкина бохуш, харц хаамаш кхачарна. «Интерфакс» агенталло бина и хаам.
"Шоьтадийнахь телефоначухула лелхийтарш хир ду бохуш кхаьчна хаамаш харц хилла. Цхьана дийнахь и телефонан горгали бахьанехь 8 эзар гергга стаг араваккха дийзира кеп-кепарчу меттигашкара", - аьлла агенталле чоьхьарчу гIуллакххойн векало.
Цо бахарехь, харц орца бахьанехь, полисхойн дезна 40 анонимехь тоьхна горгали талла.
Шоьтадийнахь Москохарчу йохка-эцаран яккхийчу туьканашкахь а, кегийрхоша буьйсанна садоIучу клубашкахь а, кинотеатрехь а, Ярославан вокзалехь а лоьлхуьйтурш ю ехкаина аьлла, телефонехула орца даьккхинера, муьлш бу цахуучу наха.
