Бакъонашларъярхочун Дмитриевский Станиславана 13,6 эзар доллар дала декхарелахь йина Оьрсийчоь Европерчу адамийн бакъонашкахула йолчу кхело, цунна харц кхел ярна. Цунах лаьцна дуьйцуш ду цу институтан сайта тIехь.
2000-чу шерашкахь Дмитриевский куьйгалхо вара «Общество российско-чеченской дружбы» олучу вовшахтохараллан. Цо куьйгалла а деш арахоьцуш дара «Право-защита» газета а.
2004-чу шарахь цу тIехь, Оьрсийчоьнан куьйгалхой тIом болорна бехке а беш, нохчийн хьалханчийн Масхадов Асланан а, Закаев Ахьмадан а кхайкхамаш зорбане бехира Дмитриевскийс.
Иза бехке диллинера бакъонашларъярхочун, цу кепара иза адамашна юкъахь цабезам кхуллуш ву аьлла. 2006-чу шарахь Лахарчу Новгородан Советан кIоштан кхело арахь даккха 2 шо хан кхайкхийра Дмитриевскийна.
Ткъа хIинца и таIзар харцонца дина лерина Страсбургерчу кхело.
Маршо Радионо хьалха дийцина ма хиллара, 20 шо сов хан ю Оьрсийчьурчу бакъоларъярхоша (юхьанца шаьш-шаьш юкъахь а доцуш, тIаьхьо – дуккхъчара цхьаьна) Нохчийчохь лаьттинчу тIемашкахь Оьрсийчоьнан эскарша байинчу, дIабиггарх байначу нахах, царна динчу зуламашна гонахара тоьшаллаш гулдан долийна.
Массех центр ю хIинца и болх беш, архиваш юзуш. Бакъду, яц Оьрсийчохь дозанал арахьа ю, масала, Норвегехь, Швейцарехь. Оцу центршна герга а волуш, церан архиваш юзуш, динчу зуламийн архив кхиочийн могIарахь ву журналист-бакъоларъярхо Дмитриевский Станислав.
