Оьрсийчоьнан тIеман министраллан векало инарло Конашенко Игора дIахьедар дина, шайн кеманаша Шемахь ракеташ а, боманаш а тоьхна 12 тIемалойн командир вийна аьлла.
Цо чIагIдарехь, уьш бу "Джабхат ан-Нусра" тобанера нах. Цул сов цу хаамехь дуьйцуш ду цу тобан хьалханча Абу Мухьаммад ал-Джуляни еза чевнаш хилла ву бохуш. И хаам бакъ хиларан кхечу хьасташкара тоьшаллаш дац.
Оьрсийчоьнан тIеман министраллан векло Конашенковс бинчу хаамехь чIагIдеш ду, авиатохар дар бахьана долуш, лаххара а 60 тIемало вийна бохуш
"Джабхат-ан-Нусра" олу тоба кхоллаелла 2012-чу шарахь Дечкен-баттахь, Шеман президентана Асад Башарана муьтIахь болчу ницкъашца къийсам дIабахьа.
