Еарин дийнахь Оьрсийчоьнан президент Путин Владимир цхьаьнакхетар ву СаIудийн Iаьрбийн пачхьалкхан куьйгалхочуьнца Ал СаIуд Iабдул Iаьзиз Салманца. СаIудин паччахь кхаьчна Москох исторехь хьалхарчу визитаца.
Визит дIайолаелира жима-тIама нисделлачу кхачамбацарца – йоьхнера кеманан трап-эскалатор. И бахьана долуш ша охьавосса дийзира паччахьан.
Iабдул Iаьзиз Салмана Москох доккхур ду 4 де. Зорбанан гIирсаша дийцарехь, паччахьан свито дIалаьцна Москох 5 седа болчу цхьана хьешан хIусаман ерриг а чоьнаш.
Кху дуьнентIехь уггаре а дукха мехкадаьтта духкучу СаIудийн пачхьалкхан а, Оьрсийчоьнан а лидерша Москох дийцаре дийр ду мехкадаьтта даккхарца а, ткъа иштта Шемаца а, ГIажарийчоьнца боьзна а цакхетамашца доьзна а хаттарш.