Владимиран кIоштахь автобус кIелъяхана цIерпоштана. И бахьана долуш вийна лаххара а 16 стаг. Цхьаболчу хаамашца кхелхинчу нехан терахь ду 21. Царна юкъахь 3 бер ду аьлла, хаам бина Интерфаксо.
Верриг а автобуса чохь хилла 57 стаг. Казахстанера 2 автобуслелорхо а, Узбекистанера 55 некъахо а. Цхьа автобуслелорхо вийна, хаам бина Казахстанан арахьарчу гIуллакхийн министралло.
Аьчган некъ хадош дIаяйна хилла автобус. ЦIерпошт лело стаг иза сацо гIоьртина, амма иза кхоччуш дан аьтто ца баьлла цуьнан.
