ТIекхочийла долу линкаш

ЦIеххьана кхаьчна хаам!

Соьлжа-гIалин гимназехь дешархо валарца доьзна дийца даьккхина ишколашкара дахар.

please wait

No media source currently available

0:00 0:04:54 0:00
Линкана тIе

Интернет машанехь дийца даьккхина Соьлжа-гIалин 2-чу гимназехь, футболан кевнаш тIе а кхетта, 12 шо долу кIант валар.

Хетарехь, къамелаш а ца деш, цу бохаман кIорггера зераш дан деза аьлла хьажам болчех ву Соьлжа гIалин кIоштера физкултура урокан хьехархо Хасанов Абу.

Оцу мини футбол олучу ловзаран кевнаш тIекхеташ физрук циггахь хилла я ца хилла, нагахь нацкъарваьлла хиллехь, мича бахьаненна, хьан кхайкхина?

Абун, хетарехь хеттарш дуккха а кхоллало. Цу тIе боху цо, карарчу хенахь хьехархо беккъа шен болх бича волуьйтуш а ма вац.

"Массо агIор талла теза и кIант валар, стенна, муха? Ткъа физкултура урок дIаяккха бохург цхьа бух болуш хIума дац. Иза берийн уггаре а садоIу, бераш кхио урок ю. Дешархой хьага а хьаьгна хуьлу цу урокехь шайн хьуьнарш гайта.

Шан кхин урок ца хилча а хьовддий тхуна схьадогIу бераш. Тхан галдаьлларг хIун ду? Дас-нанас цхьа сакхт хилча а берашца, тхоьга схьа ца олу, тIаккха тхуна цхьа хан яллалц ца хаьа, йоьIаца я кIантаца доллург. Дерг ду алар царна эхье а, эшаме а хета. Ма-дара физкултуран хьехархочунна хууш хилча, цо берана ца богIу ницкъ а бийр бац, кхиберш дуьхе а ца кхуьуьйтуш бер кхоо а хьожур ву", - аьлла ю Абун ойла.

Шатайпа хьажам бовзуьйту Соьлжа - ГIалин гимназехь дешархо кхалхарх Гуьмсан кIоштерчу зеделлачу физкултуран хьехархочо, сан юьззина цIе йоккхийла доцчу Висхас. Цо, цкъа делахь, бехках хьалха ца вуьту хьехархо а.

Нагахь санна, элира цо, и меттиг урокехь хиллехь бехк хьехархочуьнан хила тарло. Хьажа ма веззара ца хьажна, гарехь, само ца йина.

Iожаллин меттиг нисьяларан ишта бахьана хила а тарло боху Висхас - балха тIехь зеделла хьехархой, низамо магош доццушехь, бертаза балхара дIа а бохуш, церан меттана охIла боцу, кегийрхой схьаэцар.

"Пенси баха хан ю аьлла баккхийнарш дIабаьхна, вуно хала а хоьтуьйтуш, балхара дохадар чIогIа лазаме а долуш… Кегийрхой схьаэцна царна хууш кIадда а дац. ХIара-м ца хиъча ма ца долу аьлла хетарг а ца хаьа. Кхачо йоллуш кхерамазалла ларьян а ца хаьа".

Ишколашкахь кхоьллинчу хьелех дуьйцуш волчу Висхах чIагIдарца, буьрканаш, ласто, кхосса оьшуш болу гIирс-коьчалла тоъане а тоьуш бац.

"Хила беза гIирс бац. Оьшшучул буьрка а ца хилча, кхиболу гIирс а ца хилча, цу Iалашоне кхочийла дац. ХIара а, иза а хин ю, сатоха, собарде бохуш, тхо ладоьгIуш долу лаххаре а 17 шо дIадаьлла, хуьлуш хийцамма-м бац. Кехаташ кечдар, суьрташ дахар марсадаьккхина. Уьш хьан хилчахьана хьо болх бийриг ву",- реза вац къамел дина Висха.

Оьрсийчоьнан дешаран а, Iилманан а министро Васильева Олгас хааме даьхначу терахьашца 2016 - чу шерашкахь физкултура урокашкахь 211 бер - дешархо делла Оьрсийчохь.

Цу гIайгIанечу гайтамца дустар далийча, махкахь вуно кIезиг нислуш ю сел бохаме юьхьIаьржо боху ишколашкара хьал-де дика довза а девзаш, бераш кхетош - кхиорехь бахчабеллачу цхьаболчу бахархоша.

Дуьненан футболан чемпионат шайн цIахь дIахьош хиларе терра, Оьрсийчоьнан бахархоша сагатдо мехкан футболна. Шу дуй оцу декъах?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

XS
SM
MD
LG