"Батькивщина" оппозицин партин хьалханчо Тимошенко Юлияс дIахьедар дина, Украинехь хин болчу рогIерчу президентан харжамашкахь ша дакъалоцур ду аьлла. NewsOne телеканалан эфирехь цо элира, "мохк когаштIе хIотто дезаш ю ша", хьалха ша накъосталла деш хиллачу политикаша – ша аьлча экс-президенто Ющенко Виктора а, премьер-министр хиллачу Яценюк Арсенийс а - шена хетарг кхочуш дина ца хиларна.
Тимошенкос шозза дакъалаьцна президентан харжамашкахь. 2010-чу шарахь иза ийшира Янукович Викторна. 2014-чу шарахь хиллачу харжамашкахь толам баьккхинарг вара карарчу хенахь пачхьалкхан куьйгалхо волу Порошенко Петро.
Карарчу хенахь Тимошенко оппозицехь ю. Иза реза яц я президентана а, я министрийн кабинетана а.
Украинин президенан харжамаш хила безаш бу 2019-чу шарахь бIаьста. Талламаш гойту Тимошенко уггаре нахана товш йолу кандидат хилар.
