Салсабилан сагIа кхаьчна Бангладеше

Арахьара гIо сацахь рохинджашна да хIума дац Бангладешан аьлла хета, кху деношкахь цигара вуха вирзинчу Салсабил ассоциацин куьйгалхочунна. Цу махка Мьянмерчу къизаллех боьвдда баханчу бусулба нахана сагIа даьхьна Салсабила. Масех эзар доьзална кхачанца а хIусамехь оьшуш долчу цхьацца маьIданашца а гIо хилла мухIажаршна, байшна ахчанца гIо а лаьцна. Ма дарра дуьйцу, новкъара воггIушшехь Маршо Радиона еллачу репортажехь Салсабилан президента Байсуев Хьамзата.