Иракъан Iедалша низамца богIуш бац аьлла, дIахьедар дина "Роснефть" компанино Курдийн автономица бина барт. Иракъан мехкадаьттан министралло суьдехь къовсур бу БагIдадо къобул бина боцу берриг а берташ.
"Роснефть" Оьрсийчоьнан пачхьалкхан компанино барт бина курдашца уьш бехачу меттехь мехкадаьтта доккхуш белхаш бар хьокъехь. Контрактехь цуьнан декъан барам хир бу цу 80%. Иракъехь мехкадаьтта доккхург Оьрсийчоьнан концерн дагахь ю курдашна 400 миллион доллар ахча дала. Иза хила дезаш ду 2021-чу шарахь.
Кхушеран Гезгмашин-беттан 25-чу дийнахь хиллачу референдумехь Иракъан автономино кхаж тесна йозуш йоцу пачхьалкх кхолла. БагIдадо иза харц лерина.