Меттигерчу Iедалан харжамаш бу тахана дIабоьлхуш Гуьржийчохь. Бахархоша хоржур бу меттигерчу Iедалан депутаташ а, 64 гIалан а, муниципалитетан а куьйгалхой а, хаам бо ТАСС агенталло.
Гуьржийчохь ерриг схьайиллина ю 3644 харжамийн куп, царах 10 чубоьхкина нах латточу меттигашкахь.
Хармашкахь дакъалоцуш бу 22 партин, пхеа харжамийн блокан а, цхьана инициативан тобан а векалш.
Тбилисин мэран дарж къовсуш ву 13 кандидат. Йисинчу 63 гIалахь а, муниципалитетехь а мэран дарж дIалаца дагахь ву 369 кандидат.
Харжамашкахь кхаж таса бакъо йолуш ву Гуьржийчоьнан 3,4 миллион вахархо. Харжамаш хилла лорур бу, кхаж таса баьхкинчу нехан терахье а ца хьожуш.