Шеман Iедална муьтIахь долчу эскарша а, церан бертахоша а буьззинчу барамехь шайн Iуналле эцна Дейр-эз-Зор гIала, хаам бо Reuters. Иза тIаьххьара гIала яра «Исламан пачхьалкх» (ДАIИШ) олучу тобанан карахь хилларг.
Шеман Iедалша и хаам цкъачунна тIечIагIбина бац. ГIалахь хIинца а йисина ДАIИШ-ан тIемалойн тобанаш, хаам бо Reuters, Шеман эскарерчу хьастана тIе а тевжаш.
Дейр-эз-Зорна тIедуьйладеллера Шеман Iедалан эскарш ГIадужу-беттан 18-чу дийнахь. Цу гIалана Iуналл деш яра «Исламан пачхьалкх» олу тоба 2014-чу шарахь дуьйна.
