Хуситийн гIаттамхоша буьйранчалла дечу Йеменан тIеман ницкъаша ракета тоьхна СаIудийн Iаьрбийн Пачхьалкхан коьртачу гIалан Эр Риядан дуьненаюкъарчу кеманпортана.
CNN телекомпанино бинчу хаамца, баллистикан ракета хецна хилла Лахьан-беттан 4-чу дийнахь. СаIудийн эскархоша чуяийтина иза. Йохийначу ракетан куьскаш охьаэгна Эр-Риядан къилбаседа-малхбелен йистехь. Вийна а, лазийна а стаг вац, дина зе а дац, хаам бо СаIудийн хьастанаша.
Шен агIор шиIатийн-хуситийн гIаттамхоша урхалла дечу Йеменан тIеман министралло дIахьедар дина, шаьш хецна Burqan 2H олу ракета шен Iалашоне кхаьчна аьлла.
ШиIатийн-хуситийн гIаттамхоша цу тайпа тIелатар дуьххьара деш дац. Иштта, кхушеран Товбеца-баттахь цара Макканна тоха хьажийна ракета чуяийтира СаIудийн эскархоша.
