ТIекхочийла долу линкаш

ЦIеххьана кхаьчна хаам!

Нохчийчуьрчу кхело хан тоьхначу Клыхан могушаллана иэшам хилла


Оьрсийчохь лаьцначу Клых Станислава 6 де даьккхина комехь аьлла, хаамбина цуьнан нанас. «Крым.Реалии» радион эфирехь бина и хаам ГIирмерчу жигархочо Афанасьева Ольгас, ненан хаамна тIе а тевжаш.

Клых коме а вожале, оьрсийн психиатраша тоьшалла динера цуьнан могушалла талхарх.

Стохка бIаьста Нохчийчуьрчу кхело 20 шо хан тоьхна Клых Станиславна а, цуьнан накъостна Карпюк Николайна а. И шиъ бехкево, Оьрсийчохь йихкинчу украинахойн националистийн УНА-УНСО партин декъахь а волуш, 1990-чу шерашкахь Нохчийчохь оьрсийн эскаршна дуьхьал тIемаш барна.

Алсам цIий а ду цушинна тIехь - 30 эскархо вийна, 15 лазийна цара, боху талламчаша. Адвокаташа Малофеев Александра а, Дубровина Маринас а чIагIдора, царна йиттина даьхна цаьргара уьш лецна латточохь тоьшаллаш бохуш. Ши украинахо тешнабехкаца лаьцна, вадийна кхачийна Оьрсийчуьрчу кхеле, чIагIдо Украинерчу хьостанаша а.

Комментареш

New Comments Available

Оха хьоьхург

XS
SM
MD
LG