ТIекхочийла долу линкаш

ЦIеххьана кхаьчна хаам!

Дарбанан цIийнехь биса реза ца хилла Москох кхелехь шаьш-шайн пхенаш хедийнарш


Москох гIалин кхел. Архивера сурт.

ПIераскан дийнахт Москох кхелехь шаьш-шайн пхенаш хедийна нохчий реза ца хилла дарбанан цIийнехь биса, хаам бина «Интерфаксо». ТIаьххьара болчу хаамца, Москох гIалин кхелехь, кхеташо дIайоьдуш а йолуш, ша-шен пхенаш хедийнарг ву 6-ннах 5 стаг. Вон лелла аьлла, лецна болу и нах 2015-чу шарахь дуьйна чубоьхкина латтош бу талламан изляторехь.

Талламхоша чIагIдарехь, и нах бехке беш бу «Тануки» ресторанна тIелатар дарна. И зулам деш цаьргахь хилла герз а (тапча а, арбалет а, карабин олу топп а, «Сайга» олу таллархойн тоьпаш а), бейсболан биташ а.

Кхелан кхеташонан секретаро «Интерфаксе» бинчу хаамца, кхело пIераскан дийнахь 2018-чу шеран Дечкен-беттан 18-чу дийне кхаччалц яхйина и нах лецна буьтур болу хан.

XS
SM
MD
LG