ОвхIанистанан Логар провинцехь кхерамазаллин ницкъаш лецна 11 Нохчийчуьра вахархо, хаам бина кхаарин дийнахь цу регионан губернаторан зорбанан сервисо.
"Нохчийчуьра схьваьлла 11 стаг, шайна юкъахь зударий а, бераш а долуш, лецна Азра кIоштахь. Цаьргара схьаяьккхина ши ракета а, Калашоников ши масатопп а, мотоцикл а, "Датсун" жима машен а", - аьлла ду цу хаамехь.
И нах Азра кIошта кхаьчна луларчу, Исламан Пачхьалкх олучу тобанна а, "Талибан"тобанна а юкъахь тIемаш боьлхучу Нангархар провинцера, хаам бо Логар провинцин губернаторан зорбанан сервисо.