Карарчу шарахь Нохчийчохь лаьттина белхазалла 2 проценте охьаяьлла аьлла мехкан куьйгалхочо Кадыров Рамзана. Карарчу заманчохь республикехь 252 миллиард соьмана кхочушъеш 485 инвестицин проект ю, уьш бахьана долуш 20 эзар вахархочунна белхан меттиг нислур ю аьлла, дIахьедина Кадыровс.
"Ишта тидаме эца догIу, кху шарахь махкахь белхазалла шина проценте лахъелла хилар а", - билгалдаьккхина мехкан урхалхочо. Цо дийцарехь, Нохчийчохь бизнес кхиорехь доккха дакъа лаьцна Iаьрбийн структураша.
Ишта Кадыровс тIечIагIдина, регионерчу экономикан массо а сферашкахь хьал кхуьуш хилар.
Дагадоуьйту, Чиллан-баттахь Оьрсийчоьнан премьер-министро Медведев Дмитрийс дIакхайкхира, Къилбаседа Кавказан регионашкахь Оьрсийчоьнца дуьстича белхазалла шозза лакхара ю аьлла.