Шемара Iамеркан тIеман контингент араяккха биъ бутт гергга хан яла реза хилла Iамеркан Цхьанатоьхначу Штатийн президент Трмап Доналд. The New York Times хьостано бо и хаам, администрацерчу шайн хьосташна тIе а тевжаш.
Хьалхо сенаторо-республиканхочо Грэм Линдсис дIахьедира, Шемара эскарш арадаха сих ца вала сацамбина Трампа аьлла. ХIетахь сенаторо хенаш ца йийцира.
Байначу беттан 19-чохь Iамеркан президенто дIакхайкхийра, шайн пачхьалкхан тIеман ницкъ Шемара гергарчу шина баттахь арабоккхург хиларх. "Исламан пачхьалкх" шех олучу тобанна тIехь Iамеркан салташа толам баьккхина аьллера цо.
Критике диллира Трампан и дIахьедар Iамеркан агIончаша а, иштта Конгрессехь а. ТIеман министро Мэттис Джеймса шегара дарж охьадиллира.
CNN телеканалан хаамашца, дахначу кIиранах Иракъерчу тIеман базехь хиллачул а тIаьхьа, Трампа хийцира эскарш арадахарх шен позици. ТIеман буьйранчаша тешийра иза, даIишхой берш а эшийна ца хиларх.
