Оршотан буса (Дечкен-беттан 6-чохь), Оьрсийчоьнан кхечу регионашкахь санна, Iийса Пайхамар вина де тIекхочуш Даллана коьрта гIуллакх дар дIадаьхьира мозгIарша Соьлж-ГIаларчу Архангелан Михаилан килсехь.
Цигахь дакъалоцуш бара меттигера православин динера керстанаш а, Нохчийчохь дIатардинчу эскаран дакъошкара эпсарш а, кхечу регионашкара балийна ницкъаллин структурийн белхахой а, хаам бо "Кавказский узело", Соьлж-ГIалин мэрин белхахочунна тIе а тевжаш.
Болчу хаамца, ницкъаллин структурийн белхахоша кхерамазалла чIагIйинера килсана гонахарчу каппашкахь. Iийса Пайхамар винчу денна хьажийна мероприятеш хилла кхечу Нохчийчуьрчу килсашкахь а.
