ТIекхочийла долу линкаш

ЦIеххьана кхаьчна хаам!

"Новая газетано" вийцинчу нохчочо гIо дехна Оьрсийчоьнан омбудсмене


Оьрсийчоьнан омбудсмен Москалькова Татьяна пачхьалкхан Инарла прокуроран гIовсе яьлла, "Новая газетано" шен агIонехь зорбане яьккхинчу матераил тIехь ЛГБТ-н векалшлахь вуьйцу Нохчийчуьра вахархо бахьана долуш.

Бакъонашларъярхочо бахарехь, телефонехула хиллачу къамелехь цо чIагIонаш йо, ша лачкъийна вигина цахиларх, ишта ша сийсазварна, шена тIехIоттар а доьхуш. Шинаридийнахь журналисташца хиллачу къамелехь Москальковас хаамбина, цхьана публикацин турпалхочо шега латкъамбина аьлла.

"Саратова Хедин офисчуьра телефон тоьхнера цо соьга, шен сурт а, паспортан скрин а яийтира соьга. Ша гейх дIатохарна оьгIазвахначу цо, ша Iалашвар доьхура соьга", - аьлла Москальковас. Оцу юкъанна омбудсмено билгалдаьккхина, и стаг лачкъийна вигина аьлла, "Новая газетано" шега информаци кхачорах.

"Прокуратуре дехар дина ас, оцу стеган сий а, репутаци юхаметтахIотторехь цхьа а агIо лелош юй талла аьлла", - дIахьедина Москальковас, Инарла прокуроран гIовсе кехат ша дахьийтина хилар билгалдоккхуш.

Маршо Радионо яздира, ша гомосексуал а лерина, полисхоша шеконашца дIалаьцнера аьлла, "Новая газетано" а, ЛГБТ- юкъаралло а шех информаци Iораяккхарна, Нохчийчуьрчу вахархочо Юсупов Бекхана меттигерчу хаамийн гIирсашкахь кхайкхамбина аьлла. Пачхьалкхан "Грозный" телевизионан эфирехь вистхиллера иза.

XS
SM
MD
LG