Истанбулерчу доттагIалан а, дешаран а, културан а фондо мехаза чохь баха меттигашца гIо дийр ду Нохчийчьурчу студенташна. Цунах лаьцна хаам бина Нохчийчуьрчу Iедалан куьйгалхочуьнан когаметто Хакимов Хьасана.
Хакимов а, ткъа иштта республикан дешаран министр Байханов ИсмаьIил а цхьаьнакхетта цу хьокъехь цу фондан векалшца. Цкъачунна ледаро таронаш йолчу а, Соьлж-ГIалана генарчу кIошташкарчу а доьзалшкара студенташ туркойн фондан чоьтах дIатарбийр бу республикерчу цхьана техникуман а, хьехархойн колледжан а хIусамашкахь.
Байхановс бинчу хаамца, тIейогIучу хенахь Истанбулера фонд дагахь ю шаьш гIо динчу студентийн Туркойчохь деша аьтто бан.
